გაიზაფხულებს კორდები
კაბებს იებით მორთავენ,
ნუ იტყვი - არ მყვარებია,
აკი გვიყვარდა ორთავეს?!
ერთურთს ბილიკზე ავცდით და
დღესაც დავეძებთ ერთმანეთს,
ნეტაი ბედი რად გვცდიდა
ან ამ მოლოდინს რა დალევს?!
წახველ და გადაეფარე
ვით ნისლი გორის ფხაზედა,
რა მადლს იზამდი ნანატრო
შემეყრებოდე გზაზედა!
გადაიქროლეს ქარებმა
ჭორაობით და ხვივილით
წახვედი და დამიტოვე
მოურჩენელი ტკივილი.